Familias de Allariz

O domingo 27 de maio un grupo de familias de Allariz organizáronse e viñeron pasar o día a Lodoselo... Facer o pan no forno comunitario, paseo no carro do burro Fariñeiro, obradoiro do carballo con botas, xantar, xogar, coñecer os nosos animais,  montar na Torda...  Achegáronnos estas fotos. Moitas grazas.

Naceu a primeira añiña

O xoves 10 de maio naceu a primeira aña do pequeno rebaño de ovella galega que temos (5 ovellas e un carneiro). Foi o acontecemento do día para o grupo (Ceip Nosa Señora de Xuvencos de Boborás) que estaba participando no pobo escola. As fotos son do día seguinte pola tarde.

     E o 14 e o 15 tocou rapar as ovellas porque veu o calor... Alberto e sobre todo Maruja, (coa axuda de  Lucita e Manola) deixaron as pericas frescas; o susto chegou para todos/as porque escapaban coma raios. Agora buscan sol e sombra.

Antela, Xoana e compañía facendo visible o esencial

Un novo centro como espazo de encontro

     Fotos do do novo centro que o CDR O Viso e COCEDER (a Confederación de Centros de Desenvolvemento Rural, na que estamos integrados) acabamos de constuír; estamos pendentes dos pertinentes permisos para abrir; un centro para as persoas maiores, para a comunidade rural na que os participantes sexan parte activa e non só perceptores de servizos. Si, xa temos moito feito... pero o mellor que se pode facer está por facer.
    Fotos do interior en
https://picasaweb.google.com/114447504139747863141/UnNovoEspazoDeEncontro

Máis de Michel...

A mirada de Michel ós nosos burros, galiñas e os seus espazos